من أنا؟

عنى؟

  • مروة يوسف
  • السن 25 سنة
  • المؤهل بكالريوس هندسة حاسبات – 2007 – جامعة بنها
  • الوظيفة معيدة بهندسة شبرا قسم حاسبات – جامعة بنها

دى البيانات الرسمية. كفايه صح؟

بأحب القراءة والبرمجة والخروج مع أصحابى وأفلام الكارتون. بأحب شغلى فى التدريس قوى. بأحب أعمل خطط و يا سلام بقى لو اتنفذت. بأحب أشترك فى أنشطة عامة.

من ضمن الحاجات اللى اشتركت فيها فى حياتى وأثرت فيا قوى :

روبوكون 2006 – كانت أغنى تجربة عشتها فى حياتى. ماتعلمتش منها كتير فى تخصصى، لكنى اتعلمت فيها ازاى أشتغل فى وسط ناس وازاى أشتغل أصلا.

صنع فى مصر 2007 – قابلت فى المسابقة دى ناس فاهمين قوى معنى العمل التطوعى. العمل التطوعى اللى مش لازم يبقى زيارة دار أيتام – على أهميتها – لأ ده مسابقة علمية لمشاريع تخرج هندسية. العمل التطوعى الاحترافى اللى ليه خطة وأهداف وإدارة. ناس بجد بيحبوا مصر قوى وبيعملوا عشانها بجد. اتعلمت فى المسابقة ازاى اشتغل بنظاااااااام.

ACM ICPC ANARC 2008 – مسابقة برمجة. باعتبرها نقطة البداية الفعلية ليا كمبرمجة بتفكر. عرفت فيها إن البرمجة مش for loop & array ولا حتى بس Object Oriented ولا Design. لأ الموضوع أكبر من كده بكتير. الموضوع محتاج معرفة كتيرة وممارسة أكتر. وإن مش كل من خد بكالريوس حاسبات بقى مبرمج ولا كل اللى بيبرمج بيعرف يفكر صح. عرفت كمان إنى ضيعت أوقات كتير قوى من حياتى.

الأهم من كل ده

حياتى عبارة عن سلسلة من الأحلام سواء لنفسى أو للناس اللى بحبهم أو لكليتى أو لمصر. معظم الأحلام دى بيتحول لأهداف. ومعظم الأهداف دى لحد دلوقت بيتحقق الحمد لله. ومتأكدة إن كل أحلامى هتتحقق إن شاء الله إن عاجلا أو آجلا. مش عشان أنا مفيش زيى، وإنما عشان أنا واثقة فى كرم ربى.

حياتى كمان سلسلة من المذاكرة اتكتبت عليا طول عمرى D: بس الجميل إنى بأحب ده. ايه أجمل من إنك تفضل طول عمرك تتعلم؟

11 تعليق

  1. mostafa moselhy said,

    ديسمبر 11, 2008 في 12:44 ص

    rabna ykrmk ya marwa w tb2y sbb mn al 2sbab aly t722y lkl al mohndseen 7lmhm al 2egabya aly tool 3omrna shyfna feky yarab tstmr w akeed hatstmr rabna m3aky w isa beeky w bkl al mohndseen aly zyk hnl2y fi w2t aly ydaf3 3n kol al mohndseen.

  2. رانا عادل انور said,

    ديسمبر 11, 2008 في 2:12 ص

    ان شاء الله يا مروة كل احلامك تتحول لاهداف وكل اهدافك تتحول لخطط وكل خططك تتحول لحقائق وباذن الله ينفع الله بك الامة الاسلامية كلها

  3. الطائر التركي said,

    أبريل 6, 2009 في 5:24 م

    ربنا يوفقك يامروة، وتحققي كل اللي نفسك فيه، ويارب يكون اللي نفسك فيه شئ عظيم دائماً، وله غاية وحده هي رضا الرب سبحانه

  4. سبتمبر 8, 2009 في 4:27 م

    مدونة رائعة
    بالتوفيق ان شاء الله

  5. شريف عبد اللطيف said,

    أكتوبر 16, 2009 في 1:58 م

    اسجل اعجابى بالمدونة ، وهى من المدونات القليلة جدا التى اضفتها لقائمة المفضلة عندى ،
    وساتابع باستمرار بإذن الله جديد الموضوعات فيها .

  6. سعد said,

    سبتمبر 2, 2010 في 4:20 ص

    كل الناس تحلم.. لكن كم نسبة الناس التي تقدر تحول احلامها لواقع ملموس؟

    وصلت هنا صدفة 🙂

    المدونة جميلة سأستمر بالمتابعة..

    موفقة ان شاء الله

  7. سعد said,

    سبتمبر 6, 2010 في 9:13 ص

    رمضان 2010

    http://www.boston.com/bigpicture/2010/08/ramadan_2010.html

  8. عبد الستار البلانجي / العراق said,

    مارس 7, 2011 في 6:58 م

    عاشت ايدك / لاول مرة اتصفح موقع جميل وثري وممتع / الله يوفقك ويحفضك

  9. Mohamed Shahat said,

    أبريل 11, 2011 في 11:42 ص

    Marwa has always been a role model for all her colleagues and I’m pretty confident she is and will be a role model for her Students along her Career … Best wishes
    Mohamed Shahat

  10. Ibrahim Al-Waki said,

    سبتمبر 29, 2012 في 10:38 م

    شكراً على المعلومة عن اليابان والولايات المتحدة خلال وبعد الحرب العالمية الثانية.

  11. كريم سيد said,

    يناير 6, 2013 في 2:07 م

    أنا حاصل على ليسانس أداب-للغة اليابانية و أدابها، دخلت إلى المدونة بالصدفة باحثا عن معلومات عن اليابان، و سررت كثيرا عندما علمت أن تخصصك الأساسي ليس له علاقة باللغة اليابانية أو اليابان، أشكرك جزيل الشكر على المعلومات القيمة، وأتمنى لك دوام النجاح و التقدم.


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: