أنا أفاصل إذن أنا موجود

المتر ب 20 جنيه يا هانم .. لأ 15 كفاية

نتقابل بكره الساعة 6 ماشى؟ .. لا خليها 6 ونص

عندك 4 ورديات الشهر ده .. 4 كتير ما تشيلى واحدة وخليهم  3

الأجرة 5 جنيه يا بيه .. هما 4 جنيه كفايه قوى

بص هتسلمنى المشروع ده بعد شهر كويس؟ .. لا مش هيكفى خليهم شهر ونص

عندنا 8 أبواب فى المنهج التيرم ده .. طب ما نلغى واحد ونخليهم 7 بس يا دكتور

درجتى كام؟ .. 15 .. ليه بس خليها 18

أحيانا بيكون الفصال منطقى .. وخاصة فى حالة الفصال فى الأسعار فى ظل انعدام التسعيرة عندنا فى مصر

أو مثلا فى حالة الفصال فى الميعاد لو وراك حاجة تانية فى نفس الوقت

لكن الغريب إن الفصال عند كتير من الناس حاجة أساسية قبل أصلا ما يفكر هل اللى بيطلبه منطقى ولا لأ؟

يعنى ممكن واحد يسأل على منتج ويلاقيه بسعر مثلا 100 جنيه فيفاصل البياع على إنه ياخده ب 80 بس وبعدين يسيبه ويمشى .. ودى بالمناسبة العادة المفضلة للستات إنهم بعد ما يكادوا يتخانقوا على السعر وخلاص البياع يوافق تمشى وتسيبه

يروح نفس الشخص عند بياع تانى يلاقى نفس المنتج هو هو بسعر 80 جنيه فيفاصل عشان ياخده ب 60!!!!

أعتقد إننا قبل ما نفاصل وقبل ما نطلب طلب عموما نفكر الأول هل هو طلب منطقى وعادل لكل الأطراف ولا هو محاولة للحصول على أكبر فايدة وخلاص

rm files on ubuntu

Well, I have rm videos and want to watch them.
Actually, ubuntu’s default totem player works fine with rm files in 9.04 version.
But some files don’t work, I don’t know why. So i’ve installed realplayer for linux. It works but without sound!!
I’ve searched a little and here‘s the answer:

There is sometimes an issue with Pulse audio sound. Set Realplay to use OSS in tools->preferences->hardware->audio driver
Then type
sudo gedit /opt/real/RealPlayer/realplay
then on line 52 change

$HELIX_LIBS/realplay.bin “$@”

to
padsp -n RealPlayer -m RealPlayerStream $HELIX_LIBS/realplay.bin “$@”
now rm disk player will play with video and sound

Well, it worked and I’m watching my videos now, happily.

IE on Ubuntu –>for sites that require IE

Some sites are developed to work only on IE. I think this is because either poor development skills (I mean the site developer only tests his site on IE) or because of some deal with Microsoft – conspiracy theory 🙂

Anyway, on Ubuntu, without IE, this is really annoying.

I found the sol. lately. But before you go for it, send to website master and tell him that this is silly.

The sol. is using this nice software: IEs 4 Linux

And here is a nice explanation if needed IEs4Linux – Internet Explorer 5.0, 5.5, 6 & 7 on Ubuntu Linux

العدو مش هو إسرائيل

إذا عرفنا العدو على إنه الشخص أو الجهة اللى بتتسبب فى إيذائى كفرد أو أو كمجموعة أو كمجتمع، يبقى العدو مش هو إسرائيل بس، وإنما العدو هو كل شخص داخل المجتمع بيؤدى لتراجع المجتمع ده لورا وبيضعفه بالشكل اللى يساعد العدو الخارجى – اللى هو إسرائيل وشركائها – على إيذائى أكتر

طيب على هذا التعريف اللى أنا اخترعته فى الغيبوبة يبقى إيه أمثلة العدو داخل مجتمعنا؟

هل العدو هو الموظف اللى بيدوخنى فى مجمع التحرير من فوق لتحت عشان أسجل رقم قياسى فى الإمضاءات وأول ما أحطله مبلغ فى الدرج تخلص كل الأوارق وأنا قاعد مكانى؟

ولا العدو هو المدرس الخصوصى اللى بيدى درس لأولاد الموظف بمبلغ وقدره؟

ولا العدو هو صاحب البيت اللى بياخد إيجار 500 جنيه من المدرس وهو أصلا مرتبه 200 جنيه؟

ولا العدو هو المقاول والصنايعية اللى خدوا كل اللى يملكه صاحب البيت عشان يبنى البيت ده يجيبله دخل يعيشه هو وأسرته؟

ولا العدو هو الدكتور اللى بيروحله المقاول واللى الفيزيتا بتاعته مبلغ وقدره ده غير كميات الأدوية المهولة اللى بيوصفها وال 15 تحليل وآشعة اللى بيوصى بيهم؟

ولا العدو هو الموظف اللى كان مستنى رشوة من الدكتور وهو بيخلص مصلحة فى مجمع التحرير؟

العدو هو إحنا ولا إسرائيل؟ إحنا اللى بنهزم نفسنا من الأول ولا إسرائيل اللى بتهزمنا؟

دايما لما كان بيحصل هجوم إسرائيلى “وحشى” كنت باستغرب قوى الناس اللى بينددوا بعمايل إسرائيل وإزاى إنهم متوحشين ومبيحترموش المواثيق الدولية وووو

إذا كنا إحنا بناكل فى بعض سواء على مستوى الأفراد أو على مستوى الدول العربية، إزاى بنضايق لما إسرائيل تاكلنا؟

محتاجين قبل ما نحارب العدو الخارجى إننا نصلح العدو الداخلى

العدو مش هو الموظف ولا الدكتور ولا المقاول، العدو هو إننا نسينا إن إسرائيل هى العدو وبقى كل واحد فينا بيفكر إزاى “يستفيد” ويستغل التانى بأكبر شكل ممكن

أنا مش شايفة الصورة سودا، بالعكس أنا شايفة إن فينا خير كبير

بس المشكلة اللى أنا شايفاها إننا بنفتكر الجهاد والعدو بس لما بنتفرج عالنشرة وبننساه وإحنا بنشتغل وإحنا بناكل وإحنا بنتعامل مع بعض، فاكرين إن حرب العدو هى بالسلاح على أرض المعركة وبس

محاربة العدو بتتضمن قبل ما نحاربه حرب صريحة إننا أصلا نبقى مستعدين للمواجهة دى ومش هنبقى مستعدين إلا إذا أصلحنا داخلنا أولا

ويمكن لما نوصل للمرحلة دى منحتاجش نحارب أصلا

أخيرا اتفرجت على خطبة للشيخ محمد حسان بيتكلم فيها عن تأخر النصر للأمة – الخطبة أكتر من رائعة وبتتكلم فى الصميم – رجاءا اسمعوها

الجزء الأول

الجزء الثانى

الجزء الثالث