الكارتة (بتشديد التاء)

النهارده عمريكو (عمر ابن أخويا) كان بيصحينى وجايبلى حصان صغير لعبة وبيقولى خدى الحصان روحى بيه الكلية

بعد كده قلت لماما ياريت ينفع أروح الكلية بحصان كانت تبقى حاجة حلوة جدا

وبعدين تخيلت لو الناس كلها بدأت ترجع تستخدم الحصان أو الكارتة (بتشديد التاء) داخل المدن ونوفر استخدام العربيات ما بين المدن وبعضها، يعنى للسفر بس

تخيلوا كده؟

أولا مفيش تلوث مفيش حوادث مريعة وبأعتقد إن أزمة المرور هتخف شوية

كمان هنوفر البنزين فبالتالى بنوفر مصادر طاقة

مفيش ميكانيكى كل شوية ساعتها الأطباء البيطريين هتزيد أهميتهم ويمكن مجموع طب بيطرى يببقى أعلى من طب بشرى 🙂

مأعتقدش إن هنضيع وقت كتير قوى يعنى، بيتهيألى إحنا فعليا بنضيع أوقات كتير خلال اليوم ويمكن المواصلات لوحدها بتاكل ربع يومنا مابين وقوف فى الإشارة وبين زحمة سير وبين وبين … إلخ

على فكرة الموضوع مش هزار أنا باتكلم جد .. ليه لأ؟

Advertisements

5 تعليقات

  1. شادى المليجى said,

    مارس 17, 2009 في 9:01 م

    الكلام جميل على فكرة بس انتى نسيتى ان الموضموع فى اساس التطور من الكارته(بتشديد التاء) للعربيات هو السرعه فحتى لو الاشارات زحمة فده مامنعش ان فى اوقات برده بتبقى الحياة حلوة و السرعه بتحقق ب150 حصان مش حصان واحد 🙂 ………ولا ايه؟

  2. marwayusuf said,

    مارس 17, 2009 في 9:11 م

    صحيح
    بس هل فعلا إحنا محتاجين كل السرعة دى؟
    يعنى هل صحيح إحنا مبنضيعش أوقات خالص فى حياتنا وبنستغل كل أوقات اليوم لدرجة إننا مش هنتحمل الوقت الزيادة فى الطريق؟
    مش حاسة قوى كده
    طيب ما إحنا بنسمع مثلا إن فى بلاد أوربية كتير الناس بتركب العجل – البسكليتة (برضه بتشديد التاء 🙂 – كتير
    وفى بلاد تانية – على حد ما سمعت برضه – بتخصص حارات للعجل
    هل الناس دول بيضيعوا وقتهم وإحنا الوقت عندنا أهم؟

  3. شادى المليجى said,

    مارس 18, 2009 في 12:01 ص

    انا بقول ان دى الفكرة الاساسية لاستخدام العربيات ماهو بردو الناس اللى فى اوروبا دول اللى بيستخدموا البسكلته(برضه بتشديد التاء) بيستخدموا العربيات و بنسبه اكبر كمان .
    و حتى لو قولنا ان البسكلتة تمام ماشى بسكلته مش كارته بحصان ………و لا نفس الايه؟:)

  4. رغدة said,

    مارس 22, 2009 في 2:59 ص

    هى الفكرة كويسة، بس محتاجة شوية تخطيط

    يعنى بصراحة البنزين غلى اوى و بالتالى المواصلات و الموضوع بقى مبالغ فيه

    انما الحصان هيبقى اكله ارخص

    ده غير بقى الزحمة الرهيبة اللى احنا بقينا فيها، انا سمعت ان فيه كل يوم 40 الف عربية بتنزل مصر

    طيب كل العربيات دى هتمشى فييييييييين؟؟

    اما الشوارع مقفولة من دلوقتى

    بس الموضوع بقى محتاج تخطيط

    يعنى طرق سريعة زى المحور و الطريق الدائرى و كوبرى 6 اكتوبر

    الحصان مش هيستحمل المسافات دى

    فممكن يكون الكارتة لحد مطلع المحور مثلا و من هناك العربية لحد المنزل

    و الله هى فكرة بردوا

    حتى الناس اعصابها تهدى شوية من الكلاكسات اللى مش بتبطل لا ليل و لا نهار

  5. AhmedRagab said,

    مارس 31, 2009 في 4:22 ص

    طيب لما اعوز افول الحصان افوله التانك ازاي

    امشي و انا رايح الكلية او الشغل بحزمتين برسيم يعني ؟؟؟

    ممكن يعملوا البرسيم في كبسولات نديلها للحصان مع كوبايه شاي

    بعدين الاحصنة دي ممكن حالتها النفسيه تكون تعبانه و تزرجن منك علي الكوبري مثلا

    ,,, هي الفكرة كويسة لسبب اعتقد ان الدواب و الله هيكون فيها امان عن سواقين الميني باص و الميكروباصات اللي الواحد بيضطر يتعامل معاهم كل يوم سواء لو كنت راكب معاهم او كنت ماشي معهم علي نفس الطريق


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: