هل هى مجرد وظيفة؟

طبعا أكيد بأتكلم عن وظيفتى “معيدة فى هندسة شبرا” .. السؤال هل هى مجرد وظيفة؟ هل مطلوب منى بس أدى سكشن بما يرضى الله وأروح بيتنا راضية عن نفسى؟

هل أنا مجرد ترس فى مكنة لو مشيت المكنة هامشى ممشيتش آدينا مريحين؟

هل منتهى أملى فيها إنى أدى سكشن كويس؟ ده لو ليا فيها أمل

هل أنا بأشتغل فى الكلية عشان دى وظيفة و”أكل عيش”؟

أنا ضيفة فى الكلية ولا صاحبة بيت؟

الطلبة دول بيمثلولى ايه؟

أنا باشتغل فى الكلية ليه؟

ليه ماشتغلتش بره فى شركة كبيرة ب3 أضعاف مرتبى؟

Advertisements

6 تعليقات

  1. abdullah said,

    فبراير 23, 2009 في 11:54 م

    جيتي علي الجرح تاني يا مروة
    انا شايف ان وظيفتي في الكلية حاجتين
    1)معيد
    2)باحث
    كتبت معيد الاول علشان فيهاحق مباشر لغيري
    ومعيد دي فيها حاجات كتير قوي اوسع واشمل من مجرد تمرين بيتحل او شابتر بيتقال
    لا , انا شايفها اخطر من كدة بكتير ده لو احنا اديناها حقها صح
    كون إننا ناثر في تفكير طلبة بيسمعولنا وشايفين فينا اننا كويسين دي كبيرة قوي
    لما طالب يجيلي مكتبي (ده لو ليا مكتب) ويسالني عن قرار مصيري في حياته برده كبيرة قوي
    لما اشرح حاجة جديدة لناس اول مرة تعرفها واحس ان نسبة كبيرة عينيهم بتضحك من المعرفة بحس ان ربنا كرمني بالشغلانة اللي بتجيب السعادة دي
    لما اعمل نشاط في الكلية و طلبة كتيرة تيجي تشارك ويزعلوا لو فاتهم حاجة دي برده كبيرة
    لما طالب عندي يجاوب غلط قدامي ويبصلي بكسوف انه غلط كأني ابوه ومسكه بيعمل حاجة غلط دي كبيرة جدا جدا
    حاجات كتيرة قوي بتتضمنها كلمة معيد او عضو هيئة تدريس وكل حاجة فيهم مش بقدر اقدرها بمال
    والمرتب اللي كان 4 اضعاف مش 3 مبقاش يغريني زي الاول مع اني لسة محتاج ليه
    كم السعادة والاحساس بالذات اللي بلاقيه في الكلية بيخليني مش عايز اسيبها واروح اي مكان تاني .
    أما كباحث ……. فده هدف كبير وبعيد وكل واحد فينا بيبقي حاطط هدف مختلف
    بس أظن ان اللي بيحط هدف انه يبقي ذو مركز أدبي او انه يزيد كام ملطوش اخر الشهر بس ده انسان افقه ضيق قوي
    والهدف بتاع البحث ده لو اتحقق زي منا متخيله هيبقي بحياتي كلها.
    انا استرسلت في الكلام ونسيت ارد كالعادة
    :))
    احنا اه تروس في المكنة بس احنا تروس بتفكر وليها ارادة لما تلاقي انها ممكن تضيف جنب انها ترس يبقي لازم تضيف وتكون تروس قوية غير قابلة للتنويم التغطاطيسي
    :))

  2. phars_alnmr said,

    فبراير 27, 2009 في 1:04 ص

    على قد ما انا مش من طموحاتى انى اكون معيد فى الكلية (طبعا رحمة للطلبة اصل انا لما باشرح حاجة باشرحها بطريقة اصعب منها اساسا)المهم انى باشوف ان التدريس بشكل عام والتدريس الجامعى بشكل خاص رسالة وليس مهنة وده مش كلام كتب والله ده كلام انا مقتنع تماما بيه علشان كده تقدروا تشوفوا مدى المهزلة اللى وصلنا ليها لما يحصل اضطهاد للدكاترة الجامعيين وطبعا كلنا سمعنا عن وقفة دكاترة كليات الهندسة
    اهم حاجة عدم فصل الرمز عن المعنى حتى لا تكون المفاضلة شئ حتمى وحينما يحدث هذا تصبح الخسارة مؤكدة مهما كان الاختيار

  3. yasmeen said said,

    مارس 31, 2009 في 9:23 ص

    مروة كلامك بياجى على الجرح اووووووووووى بجد لازم الواحد يحس انه بيحب الحاجة و عايز يعملها مش مهم بياخد كم اهم حاجة يكون مستمتع و هو بيعملها

  4. Ahmed Rashad said,

    أبريل 1, 2009 في 9:57 م

    بجد إحنا بنحبكوا أوى وعن نفسى مثلا الباش مهندس عبد الله كان مختلف معانا خالص فى السكشن ,يعنى مثلا مفيش باشمهندس تانى كان بيعد يسمع مننا بعد السكشن نسأل فى كل حاجه وأى حاجه تخطر فى بالنا ومكنتش دايما بتبقى فى المنهج وكان أوقات نطول أوى
    فنكمل معاه لحد المترو 🙂 ,وفى السكشن مكنش بيدينا الكود لأ كان عايزنا نجيبه عشان نثق فى نفسنا ……
    بجد من غير ما أكتر أنتوا خلتوا كفه حاسبات تزيد بالنسبه ليا وناس تانيه كمان بعد ما كانت فاضيه تماما ….
    وبجد ما تيأسوش من الكليه لإن أنا شايف اللى بتعملوه ده كبير مش كلمتين فى كشكول تحضير:)

  5. نوفمبر 2, 2009 في 5:49 م

    الاول احب اعرفك بنفسى المهندس محمد معيد بكلية الهندسة جامعة قناة السويس

    الى انتى فية يا باشمهندسة اسمة فراغ انتى عارفه انا شغال برة الكلية الواحد مش عارف لا يسد ولا يمد انا بيبنى وبين نفسى بقول ان الوظيفة بتاعتنا دى وسورى فى لفظ وظيفة بس هى فعلا كدا من اجمل وامتع الوظائف الى ممكن حد يعمل فيها وانا بعتلك بس علشان اقولك قولى الحمد لله

    نصيحة من زميل

  6. marwayusuf said,

    نوفمبر 2, 2009 في 11:20 م

    أهلا م محمد .. شكرا ع النصيحة بس أنا فعليا بحب وظيفتى جدا .. لو حضرتك قريت موضوع متعة التدريس هتعرف قد إيه بحبه .. أما عن التدوينة دى فمكانش قصدى منها أشتكى أبدا من شغلى .. وإنما كانت تعبير عن مشكلة حصلت وقتها
    على كل حال شكرا للنصيحة مرة تانية


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: