ليه محدش بيحب شغله؟

مش عارفة ليه كل ما أتكلم مع حد من زمايلى ألاقيه مش مرتاح فى شغله

إما عشان طبيعة الشغل نفسها أى كلام، يعنى مثلا حد شغال customer service

أو عشان الناس هناك وحشين

أو عشان الشغل مرهق جدا

أو عشان مفيش تجديد فى الشغل وزهقوا خلاص

أو أو أو

نادرا لما بأقابل حد يكلمنى عن شغله بحماس كده وفرحة إنه ربنا أكرمه بالشغل ده ويقعد يعدد فى مزايا الشغل

شئ طبيعى إن من وقت للتانى هيبقى فى مشاكل فى الشغل، ومن وقت للتانى دى بتعنى من يوم للتانى

بس الحالة العامة إيه؟ هو ده المهم

مرة كنت باتكلم مع حد (مصطفى مصيلحى) وباسأله ليه كده؟ ليه مش كل واحد راضى باختياره؟

قاللى لأن أصلا مجتمعنا مفهوش ثقافة الاختيار، محدش بيفكر ويخطط لنفسه إنه عاوز يحقق كذا فيحققه فيبقى مبسوط. قليلين الناس دى

طيب لتانى مرة ليه مش بنختار؟

يعنى مثلا لو فكرنا فى اختيار التخصص بتاعنا بعد الثانوية العامة الأليمة

أنا أفهم مثلا إن واحد يجيب مجموع قليل فميلحقش الكلية اللى هو عاوزها

لكن واحد داخل طب أو هندسة اللى بيسموهم كليات قمة، يعنى هو مش مجبر – المفروض – على الاختيار ده

يبقى ليه مش مبسوط باختياره؟

وبعدين حتى لو مقدرتش لسبب من الأسباب إنى أحقق اللى كنت عاوزه، أو إنى أصلا مكنتش عاوز حاجة محددة

يبقى المنطق إنى أتكيف مع الوضع الحالى وأدور فيه على المميزات عشان أحبه

يا إما أغيره

لكن حالة ال (أهى عيشة وخلاص) اللى معظمنا عايشها دى عمرها ما هتخلينا نطلع لقدام

Advertisements

10 تعليقات

  1. abdullah_saad1 said,

    يناير 11, 2009 في 12:39 ص

    مش يمكن احنا ناس بتمل بسرعة.
    ولا علشان شغلنا مفيهوش تغيير
    ولو فيه تغيير بيبقي مفيهوش ناس متغيرة.
    كل ما اشوف انسان الاقيه كدة.
    بس الحمد لله اللهم لا حسد مهنتنا مفيهاش كدة
    احنا كل سنة بنقابل زباين جداد وبنقدملهم خدمة مختلفة.
    ده طبعا مع كم وقت فراغ اكبر وفلوس اقل
    :d
    ويمكن علشان احنا ميملاش عيننا غير التراب.
    او يمكن لان طموحاتنا محدودة
    تخيلي واحد طموحه يبقي مهندس
    بعد ما يبقي مهندس ……… خلاص كدة يموت………. مالهوش لازمة
    وواحد طموحه يقبض مرتب ما ……. بعد ما يوصله خلاص يموت
    قليل قوي لما الاقي حد حاطط خططه وطموحاته متضمنا موته
    يعني اقصد حاطط اهداف لغاية نهاية عمره
    اكيد ده مش هيزهق بسرعة
    ودايما قدامه جزرة عارف انه مش هيوصلها غير في الاخر

  2. mostafa moselhy said,

    يناير 12, 2009 في 2:16 ص

    thank u marwa for that serious word , when u talk to me about that subject, u touch somthing i’m really thinking in da same for a while , is that what i was thinking and dreaming in,and what are reasons of the satisfaction in the career
    is that money , environment, career ,future
    but i found that even all of those items were found (for 1% officials), there are no satisfaction
    there are no happiness why?????? what else could make u happier
    a friend tell me before a little word it might be the answer
    he told me to be happy u must find the message
    !!!!!!do u think that
    it goes without saying that renewable,creativty,are very important
    who is saying that ??????? me
    yop,there is one there saying “me too” and 3abdo allah above talking about somthing like that
    all what i wanna say that what i love not what u love there is no rules
    find the message of ur jop if u get it and love it try to adapt with the variables
    and i’m sorry to tell u that if u don’t like it don’t leave it before u find what u want because that opportunity is so rare but keep working as u get ur lawful living,god bless all of us

  3. رفعت اسماعيل said,

    يناير 13, 2009 في 12:30 ص

    يمكن لان الانسان بيميل انه يكره الشغل اى شغل انا قريت ان الريس ( رئيس الجمهورية ) قال مرة انه بتعب جدا فى الشغلة دى وان ربنا ما يحكم على حد بيها اذا كان الريس مش عاجبه الشغلانه ومستنى فرصة كويسة امال احنا نعمل ايه

  4. Alaa said,

    يناير 14, 2009 في 3:22 م

    اتوقع السبب فى الموضوع ده مش سوء الأختيار او عدم القدره على الأختيار زى مانتى قلتى
    او ان الواحد يحب شغله ومش شرط ان حد يكره شغله انه يكون فى مشاكل انا هحيلك مثلا من واقع تجربتى
    انا اولا دخلت الكليه باختيارى مش تنسيق دخلت القسم باختيارى مش تنسيق بحب طبيعه شغلى جدا كمبرمج وانتى عارفه كدة كويس لأنى بحب البرمجه جدااا
    اخترت انى اشتغل بالجافا وفعلا شغال بيها
    شغال فى مكان كويس جدا المدير بيعاملنى كويس جداااااا وبتعلم منه كتير جداااااا لأنى لو فى اى شركه تانى هيبقى التعمل بينى وبين التيم ليدر وهيكون اكير منى بسنتين او حاجه يعنى هيكون فرق الخبره مش كبير قوى انما انا بتعامل مع المدير مباشره
    المواعيد مريحه جدا بروح وقت مانا عاوز وبمشى وقت مانا عاوز مش مرتبط بمواعيد حضور وانصراف
    المرتب كويس جدااا
    اشتغلت فى تلات مشاريع اتعلمت فيهم حاجات كتير جدااا
    ومع ذالك انا فى طريقى دلوقتى انى ادور على فرصه تانيه
    من فتره كنت مع عبدالله وبقوله انى زهقت من الشغل وعاوز اسيبه قالى انا لو اتكلمت عن شغلك ممكن اقول مميزات كتير فكرت فى كلامه وقعدت افكر لقيت فعلا كل المميزات اللى انا كتبتها دى
    ووصلت للسبب اللى انا عاوز فعلا اسيب الشغل علشانه
    هوا التغييييييييير
    معرفش هوا ده السبب لكل الناس ولا لأ
    بس هوا ده السبب اللى انا عاوزه اسيب الشغل علشانه التغيييير
    رغم انى لما اتنقل لمكان تانى مظنش انه هيكون فى كل المميزات اللى انا قلتها دى
    ومع ذالك انا فى فتره قريبه هاخد القرار انى اسيب الشغل وادور على شغل تانى بس انا لسه بفكر

  5. marwayusuf said,

    يناير 14, 2009 في 11:25 م

    You have to find the message
    أنا متفقة مع مصطفى جدا فى الجملة دى
    دايما بأعتقد إن لو الواحد لقى الرسالة بتاعة حياته كلها مش شغله بس هتتحل حاجات كتير قوى. وعمره ما هيزهق. يعنى أنا بأعتقد إن الدنيا كلها بكل ما عليها غير مرضية لو الواحد كانت أهدافه فيها
    والدليل على كده حالات الانتحار المنتشرة فى الدول المتقدمة قوى فى أوربا
    لكن لو أصلا أهدافى بره الدنيا يبقى عمرى ما هازهق لأن عمرى ما هاوصل للى أنا عاوزاه فيها
    زى ما عبدالله قال هتفضل قدامى الجزرة
    يعنى أنا بأحس إنى بأحب شغلى عشان بأحس بدورى فيه وبرسالتى فيه مش العكس
    وبأعتقد كمان إن لما الواحد لازم يدور على اللى بيحبه ده مش نوع من الرفاهية
    لأن أحيانا لما الواحد بيشتغل حاجة مش قادر يحبها مبيقدرش يدى فيها كما ينبغى
    يبقى الأفيد ليه ولينا كلنا إنه يشتغل اللى بيحبه

  6. marwayusuf said,

    يناير 14, 2009 في 11:29 م

    طب سؤال يا علاء
    لو إنت رحت لشغل تانى مش هتزهق بعد شوية؟
    والمرة دى كمان هتزهق أسرع لأنها مش هتبقى المرة الأولى هتبقى الأمور مش جديدة
    هتعمل ايه؟
    بالمناسبة دى أنا قلت لعبدالله يقولك تجرب topcoder
    بس هو مش راضى معرفش ليه
    بس هيعجبك قوى أنا متأكدة
    جربه وادعيلى

  7. Alaa said,

    يناير 15, 2009 في 10:55 ص

    مش عارف لسه هعمل ايه لو رحت مكان تانى وزهقت منه بس اللى انا بفكر فيه تانى من فتره انى هعمل مشروع تانى بعيد عن تخصصى اى مشروع صغير كدة احس فيه بتتغير عن نظام الشغل
    انا فعلا دخلت من فتره و شفت الجدول بس لقيت كل مواعيد المتشات فى الفتره اللى جايه هتبقى فى ميعاد الشغل

  8. someone said,

    يناير 16, 2009 في 6:38 م

    اعتقد ان سؤال م/ مروه هو : لماذا معظم الناس مش راضيه عن شغلها؟
    والاجابات عن سؤال اخر وهو هل تحب ان تغير مكان عملك؟ولماذا؟
    شتان بين السؤالين, فالاول يسال عن سلوك سلبى والاخر يسال عن فطره صحيه داخل كل انسان سوى. وراى هو كالاتى:
    الاول: اعتقد انه توجد حاله من عدم الرضا سائده عند كثير من الناس عن كل شئ فى حياتها,
    فهذا الرجل يرى ان كل النساء جميلات الا زوجته, وهذه ترى ان الله قد منح كل البنات تمام النعم الا هى. دائما غير راضيين عن قدرنا, واذا سألنا احد عن شغلنا نقول انها اصعب شغلانه وامتى ربنا يتوب علينا منها؟ الاغرب انه قد يحدثك عن شغلته بانها هى الاهم والاصعب فى الكون وانه وبكل فخر يعمل على تقدم البشريه. وان ماعداه عديم الاهميه فيقول
    ان كل الاطباء نصابين وملهومش لازمه , شويه اعشاب تبقى زى الفل وبيخدو ضد كده
    والمهندسين بيعملوا ايه؟ انا صممت بيتنا فى البلد وعجب كل المقاولين
    وبتوع البرمجه طول النهار بيلعب على الكومبيوتر وبياخد فى الساعه قد كده على قلبه
    والمدرس حافظله كلمتين بيقلهم لتلاميذه وبيلم قد كده
    لكن احنا بقى اللى شايليين البلد!!!!!!!!!!!!!!!!!
    طبعا دى صوره كاروكاتيريه!!! بس موجوده فى كل واحد فينا بنسب
    وهى تنم عن عدم رضا وضيق افق
    فاذا كان عندنا الرضا عن قضاء الله ونظرنا الى عملنا من منظور ايجابى سنحبه كثيرا ونبدع فيه
    احد المرات كنت فى احد المقاهى وكنت فى غاية الضيق من عملى ونظرت الى القهوجى وتمنيت ان اكون مثله. فماذا يفعل؟ يقدم الطلبات وياخذ الحساب!!!! اهذه صعبه؟ ولكن بعد لحظات من مراقبته ايقنت انها صعبه جدا على. فانه يخدم عدد ضخم من الناس ويتذكر طلباتهم كلهم ولا يستطيع احد مغالطته فى الحساب!!! كيف يفعل هذا؟ لا اعرف!!!
    يقول رسول الله (ص) اعملوا فكل ميسر لما خلق له.
    اما السؤال الثانى فهو عن محاولة التغيير لمكان اخر وليس لوظيفه اخرى
    انا اعمل فى هذا المكان, لماذا؟ للمال أو لمذيد من الخبره فى التخصص
    فاذا كان هناك مكان اخر يستوعب طموحاتى الماديه او الاكثر خبره فيجب ان اتغير
    فالانسان بطبعه مفطور على حب الافضل والرقى والتنافس المشروع والنجاح المستمر
    لذا يلزم التغيير من ان لاخر لمذيد من طموحات اكبر. ولكن ليس من اجل انك حاسس بملل
    او زهقان او كل تلك الاحاسيس السلبيه
    مابنى على العواطف فهو متغير وما بنى على العقل فهو ثابت
    اسف ان كنت اطلت

  9. gabal said,

    مايو 11, 2009 في 10:34 ص

    حلو قوى الموضوع وبمناسبة انى تعبان وقرفان فى الشغل
    الموضوع مش سلبية ولا حاجة كل الفكرة فى الحديث الشريف”كل ميسر لما خلق له”
    اسوا شىء فى الوجود انك تكون فى مكان مش مناسب ليك ولقدراتك وانك تعرف اية المناسب مش فى يوم ولاشهر ولا حتى سنه شئ صعب ثانيا انك تلاقى ناس محترمة وبتفهم عشان تشتغل معاهم ده بقى من رابع المستحيلات لازم يطلعلك مدير او زميل يحرق دمك .هتقل عليكم واكلم عن مشكلتى واقولكم انى فعلا مش لاقى نفسى لان شغال شغل مش مناسب ليا حاجة مبحبهاش ومديرة بجد مقرفة انا مش بقالى غير شهر ونص ولما بكون جى بحس انى داخل جهنم بجد مش عاوز اسيب الشغل لانى مش عاوز ابقى عاطل وفاشل وفى نفس الوقت مش قادر اتحمل طبيعة الشغل والمديرة المؤرفة
    اسف للاطالة

  10. فبراير 4, 2017 في 8:56 ص

    مفيش حد مرتاح رسالة بنقضيها فى حياتنا


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: