ليه حلم مصرية؟

ليه حلم مصرية؟ ليه الاسم ده؟

فى مرة من المرات على جروب Shoubra Engineers فى حد بعت موضوع كان عبارة عن مجموعة من الأسئلة وعلى كل عضو إنه يجاوب عنهم. من ضمن الأسئلة كان فى واحد بيطلب من العضو يختار 5 ألقاب ل 5 من أعضاء الجروب.
واحد من الناس اللى ردوا كان جعفور (م/محمد مصطفى) ومن ضمن الألقاب اللى اختارها اللقب ده “حلم مصرية” وكان اللقب ده من نصيبى أنا و د/وفاء.
الحقيقة إنى باعتز جدا باللقب ده. من ناحية لأن اللى أطلقه عليا واحد من الناس اللى أنا باعتبرهم مثل أعلى واتعلمت منه كتير قوى. ومن ناحية تانية لأنى بأتمنى أكونه فعلا. بأتمنى أكون مصرية بجد عشان يكون حلمى بجد “حلم مصرية”.

ليه حلم مصرية؟ ليه المدونة كلها؟

أحيانا كتير بيبقى عندى كلام نفسى أقوله بس مش لحد معين. بيبقى نفسى أقوله للناس كلها. أعتقد كل الناس بتجيلها الحالة دى. كلنا مغرمين بالكلام عن آرائنا العظيمة فى الحياة. فقلت أعمل مدونة أتكلم فيها براحتى. الجميل هنا اللى عاوز يقرا هيقرا واللى مش عاوز هيمشى. يعنى مش باصدع حد. كل واحد هيتصدع بمزاجه. ممكن بقى الكلام ده يبقى رأيى فى حاجة، بأناقش موقف حصل قدامى، بأتكلم عن موضوع فى تخصصى. يعنى أى حاجة تخطر على بالى.

Advertisements

4 تعليقات

  1. ديسمبر 11, 2008 في 7:53 م

    الي الامام دائما و مستني كل الأفكار اللي في دماغك علشان الحق انفزها قبليكي كالعادة
    :DD:

  2. Hashem Ahmed said,

    ديسمبر 13, 2008 في 1:08 ص

    keep on good work, really excellent

  3. يناير 11, 2009 في 12:32 ص

    مفاجئات المهندسة مروة الجميلة
    زى ما قال عبد الله مستنين كل اللى فى دماغك

  4. g3foor said,

    أغسطس 10, 2009 في 8:04 م

    السلام عليكم
    م.مروة أولاً سعيد إن في حد في الدنيا إنبسط من حاجة عملتها أو قلتها ويارب افضل عند حسن ظنك. بس لما قلت حلم مصرية ، ما كانش قصدي إنك تحلمي
    لأ
    كان قصدي إن أنت نفسك اللي حلم مصرية ، يعني أنا اللي باحلم أشوف كل بنات مصر زيك.
    لكن أنت خدتيها بمعنى تاني وهو معنى أسعدني أيضاً.
    وتحياتي لكل حوائط هندسة شبرا.


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: